ධුර කාලය අවසන් කරන ස්විට්සර්ලන්ත තානාපතිවරිය සහ අග්රාමාත්යවරිය අතර හමුවක්
July 4, 2026 05:30 pm
සිය ධුර කාලය අවසන් කරන ශ්රී ලංකාවේ ස්විට්සර්ලන්ත තානාපති, ආචාර්ය සිරි වෝල්ට් සහ අග්රාමාත්ය ආචාර්ය හරිනි අමරසූරිය අතර හමුවක් පවත්වා තිබේ.
එහිදී දෙරට අතර දිගුකාලීන මිත්රත්වය හා සහයෝගීතාව ශක්තිමත් කිරීම සඳහා ඇයගේ ධුර කාලය තුළ ලබාදුන් දායකත්වය අග්රාමාත්යවරිය අගය කළාය.
දෙරට අතර සහයෝගීතාව තවදුරටත් පුළුල් කිරීම පිළිබඳව, විශේෂයෙන් තාක්ෂණික හා වෘත්තීය අධ්යාපන සහ පුහුණු (TVET) ක්ෂේත්රය සම්බන්ධයෙන් මෙහිදී අවධානය යොමු කරන ලදී.
කර්මාන්ත ක්ෂේත්රය තුළ පවතින ශ්රම වෙළෙඳපොළ අවශ්යතාවලට ගැලපෙන සහ තරුණ තරුණියන්ගේ කුසලතා වර්ධනය කරන වෘත්තීය පුහුණු වැඩසටහන් දියුණු කිරීම පිළිබඳව සාකච්ඡා කර ඇත.
කර්මාන්ත ක්ෂේත්රයේ පවතින අවශ්යතා මත පදනම් වූ වෘත්තීය අධ්යාපනය ශක්තිමත් කිරීම තුළින් ශ්රම බලකායේ කුසලතා ඉහළ නැංවීම, රැකියා අවස්ථා වර්ධනය කිරීම සහ ශ්රී ලංකාවේ දිගුකාලීන ආර්ථික සංවර්ධනයට සහාය වීම සඳහා වැදගත් දායකත්වයක් ලබාදිය හැකි බව තානාපතිනිය මෙහිදී සඳහන් කළාය.
ශ්රී ලංකාව හා ස්විට්සර්ලන්තය අතර සබඳතා තවදුරටත් ශක්තිමත් කරමින්, දෙපාර්ශ්වීය වශයෙන් උනන්දුවක් දක්වන ක්ෂේත්රයන්හි සහයෝගීතාව පුළුල් කිරීම කෙරෙහි දෙපාර්ශ්වයේම අවධානය යොමු විය.
