මොබෝ සම්මාන උළෙලේ නිර්මාතෘ කන්යා කින්ග් දිවි ගමනට සමුදෙයි

බ්‍රිතාන්‍ය සංස්කෘතියට කළු ජාතික සංගීතඥයන්ගේ දායකත්වය වෙනුවෙන් වෙහෙස නොබලා කටයුතු කළ මොබෝ සම්මාන උළෙලේ නිර්මාතෘ කන්යා කින්ග් අභාවප්‍රාප්ත වී තිබේ.

මියයන විට ඇය 57 වැනි වියේ පසු වූ බව වාර්තා වේ.

ඇය වඩාත්ම ප්‍රසිද්ධ වූයේ 'Music of Black Origin' (Mobo) සම්මාන උළෙලේ නිර්භීත නිර්මාතෘවරිය ලෙස වන අතර, මෙම සම්මාන උළෙලේ 30 වැනි සංවත්සරය මෙම වසරේ මුලදී මැන්චෙස්ටර් හිදී උත්කර්ෂවත් ලෙස සමරනු ලැබීය.

කන්යා කින්ග් බඩවැල් ආශ්‍රිත පිළිකා රෝගයක් හේතුවෙන් පීඩා විදිමින් සිට ඇති බවද සඳහන්.