ගතවූ වසර 20 තුළ පිළිකා රෝගීන් තුන් ගුණයකින් ඉහළ ගිහින්
May 27, 2026 06:44 pm
ගතවූ වසර 20ක කාලය තුළ මෙරට පිළිකා රෝගීන් සංඛ්යාව තුන් ගුණයකින් ඉහළ ගොස් ඇති බව සෞඛ්ය අංශ පවසයි.
2022 වසරේ දත්ත අනුව මෙරටින් පිළිකා රෝගීන් 35,855ක් හදුනාගෙන ඇති තිබේ.
එම දත්ත අනුව නව පිළිකා රෝගීන් 99 දෙනෙකු දෛනිකව වාර්තා වන බව සෞඛ්ය ප්රවර්ධන කාර්යාංශයේ අද (27) පැවති මාධ්ය හමුවකට එක්වෙමින් ජාතික පිළිකා මර්ධන වැඩසටහනේ ප්රජා වෛද්ය විශේෂඥ හසරැලි ප්රනාන්දු මහත්මිය පෙන්වා දුන්නාය.
මෙහිදී වැඩිදුරටත් අදහස් දැක්වූ වෛද්ය විශේෂඥ හසරැලි ප්රනාන්දු,
"පසුගිය අවුරුදු 20ක පමණ දත්ත බැලුවොත් අපිට තුන් ගුණයක පමණ සංඛ්යාත්මකව වර්ධනය වීමක් පෙන්නුම් කරනවා. ඒ වගේම පිළිකා රෝගය පිළිබඳව ජනතාව අතර දැනුවත්භාවය වැඩිවීම නිසා කලින් හඳුනාගැනීම සහ වෙනත් හඳුනා ගැනීමේ පර්යේෂණ දියුණුවීම නිසා වාර්තාකරණය වැඩිවීම මෙලෙස සංඛ්යාත්මක වැඩිවීමට හේතු විදිහට අපි සලකනවා.
2022 ශ්රී ලංකා ජාතික පිළිකා ලේඛන දත්ත අනුව නව පිළිකා රෝගීන් 35,855ක් වාර්තා වෙලා තියෙනවා. මෙතනින් 16,398ක් පිරිමින් සහ 19,457ක් කාන්තා පිළිකා විදිහට තමයි වාර්තා වෙලා තියෙන්නේ.
ඒ කියන්නේ දිනකට සාමාන්යයෙන් මේ දත්ත අනුව අලුත් පිළිකා රෝගීන් 99ක් පමණ වාර්තා වෙනවා" යැයි පැවසීය.
