ලංකාවට එන මාලදිවයින් ජාතිකයින්ට 'ETA' අනිවාර්ය කරයි
May 21, 2026 10:42 pm
සංචාරක අරමුණු සඳහා ශ්රී ලංකාවට පැමිණෙන සියලුම මාලදිවයින් ජාතිකයින්ට එළැඹෙන මැයි 25 වැනිදා සිට ක්රියාත්මක වන පරිදි නව වීසා බලපත්ර රෙගුලාසියක් හඳුන්වා දී තිබේ.
ඒ අනුව මාලදිවයින් වැසියන් ශ්රී ලංකාව බලා පැමිණීමට පෙර 'eta.gov.lk'යන වෙබ් අඩවිය හරහා විද්යුත් සංචාරක අවසර පත්රයක් (ETA) ලබා ගැනීම අනිවාර්ය වේ.
මාලදිවයිනේ පිහිටි ශ්රී ලංකා මහ කොමසාරිස් කාර්යාලය නිවේදනයක් නිකුත් කරමින් මේ බව දන්වා සිටියේය.
කෙසේ වුවද මෙම පද්ධතිය හරහා ලියාපදිංචිවන මාලදිවයින් ජාතිකයින්ට දින 90ක සංචාරක වීසා අවසරයක් සම්පූර්ණයෙන්ම නොමිලේ හිමිවන බවද එම නිවේදනයේ දැක්වේ.
