වෙසක් දිනය මැයි 30වනදාට කල් දැමුවේ දේශපාලන උවමනාවටයි - කොටපිටියේ රාහුල හිමි

දේශපාලන උවමනා මත වෙසක් පොහොය යෙදී තිබූ දිනය වෙනස්කර ඇති බවට මහා විහාර වංශික ශ්‍රී ජයවර්ධනපුර කෝට්ටේ, ශ්‍රී කල්‍යාණි සාමග්‍රී ධර්ම මහා සංඝ සභාවේ අනුනායක හා ප්‍රධාන ලේඛකාධිකාරී අග්ගමහා පණ්ඩිත සාහිත්‍යය චක්‍රවර්ති මහාචාර්ය පූජ්‍ය කොටපිටියේ රාහුල හිමි චෝදනා කරයි.

උන්වහන්සේ පවසන්නේ මැයි 01ට යෙදී ඇති මැයි දිනය සැමරීම හේතු කොටගනිමින් දේශපාලන උවමනාව මත මෙලෙස වෙසක් දිනය මැයි 30 වනදාට කල් දමා ඇති බවය.

කෙසේවෙතත් මේ සම්බන්ධයෙන් මහානායක හිමිවරුන්ද අදහස් ප්‍රකාශ කර ඇති බැවින් තමන්වහන්සේ එම අදහසට කිසිදු විටකදී විරුද්ධත්වයක් හෝ අගෞරවයක් සිදු නොකරන බවද පැවසීය.

වෙසක් පොහොය දිනය ආණ්ඩුවට අයත් දෙයක් නොවන බැවින් බෞද්ධයින්ට මැයි 01 දිනය පුරාම බෞද්ධ වත්පිළිවෙත්වල නියැලෙන ලෙසට උන්වහන්සේ ඉල්ලා සිටියි.

එමෙන්ම 30 වනදාට අවශ්‍ය පරිදි වෙසක් උත්සව පවත්වන ලෙසට ද උන්වහන්සේ බෞද්ධයින්ගෙන් ඉල්ලීමක් කරයි.