අද පස්වරුවේ ප්රබල අකුණු සහිත වැසි ගැන කාලගුණයෙන් නිවේදනයක්
April 24, 2026 01:09 pm
දිවයිනේ ප්රදේශ රැසක අද (24) පස්වරුවේ ගිගුරුම් සහිත වැසි සමග ප්රබල අකුණු ඇතිවීමේ හැකියාවක් පවතින බව කාලගුණ විද්යා දෙපාර්තමේන්තුව පවසයි.
නිවේදනයක් නිකුත් කරමින් එම දෙපාර්තමේන්තුව පැවසුවේ බස්නාහිර, සබරගමුව, මධ්යම, වයඹ, දකුණ සහ ඌව පළාත්වලත් අනුරාධපුර දිස්ත්රික්කයේත් සවස 1.00න් පසුව වැසි සමග ප්රබල අකුණු ඇතිවීමේ හැකියාවක් ඇති බවය.
ගිගුරුම් සහිත වැසි සමග එම ප්රදේශවල තාවකාලික තද සුළං ඇතිවිය හැකි බවත් පෙන්වාදෙන එම දෙපාර්තමේන්තුව සඳහන් කරනුයේ මේ සම්බන්ධව අවධානය යොමු කර අවශ්ය පියවර ගන්නා ලෙසත්ය.
