අමෙරිකාව හෝමූස් සමුද්ර සන්ධිය අවහිර කළ බව ට්රම්ප් කියයි
April 12, 2026 07:08 pm
අමෙරිකා එක්සත් ජනපදය විසින් හෝමූස් සමුද්ර සන්ධිය අවහිර කිරීමට පියවර ගෙන ඇති බව ජනාධිපති ඩොනල්ඩ් ට්රම්ප් පවසයි.
ඔහු සිය Truth Social මාධ්ය ගිණුමෙහි සටහනක් තබමින් මේ බව ප්රකාශ කළේය.
ජනාධිපතිවරයා මෙම ප්රකාශ සිදු කර ඇත්තේ, මැදපෙරදිග යුද්ධය අවසන් කිරීමේ සඳහා පාකිස්තානයේ සාකච්ඡා තීරණයකින් තොරව අවසන් වූ පසුබිමකය.
“වහාම ක්රියාත්මක වන පරිදි, ලෝකයේ හොඳම එක්සත් ජනපද නාවික හමුදාව, හෝමූස් සමුද්ර සන්ධියට ඇතුළු වීමට හෝ පිටව යාමට උත්සාහ කරන ඕනෑම සහ සියලුම නැව් අවහිර කිරීමේ ක්රියාවලිය ආරම්භ කරනු ඇත.” යනුවෙන් ඩොනල්ඩ් ට්රම්ප් සිය සමාජ මාධ්ය ගිණුමෙහි සටනක් තැබීය.
මේ අතර හෝමූස් සමුද්ර සන්ධිය හරහා ගමන් කිරීමේදී ඉරානයට ගාස්තු ගෙවනු ලබන නෞකා සිය භාරයට ගෙන්න ලෙසට අමෙරිකානු ජනාධිපති ඩොනල්ඩ් ට්රම්ප් සිය නාවික හමුදාවට නියෝග කර ඇති බවට විදෙස් මාධ්ය වාර්තාවල දැක්වේ.
නීතිවිරෝධී ලෙස ඉරානයට ගාස්තු ගෙවන කිසිදු නෞකාවකට ජාත්යන්තර මුහුදේ ආරක්ෂිතව ගමන් කිරීමට ඉඩ නොදෙන බව ද ඔහු අනතුරු අඟවා තිබේ.
