බස්නාහිර පළාත තුළ අපරාධ මැඩලීමට නව වට්සැප් අංකයක්
March 17, 2026 10:05 pm
බස්නාහිර පළාත තුළ අපරාධ මර්ධනය කිරීම අරමුණු කරගනිමින් තොරතුරු ලබාදීම සඳහා පැය 24 පුරාම ක්රියාත්මක නව වට්ස්ඇප් දුරකථන අංකයක් පොලීසිය විසින් මහජනතාවට හඳුන්වා දී තිබේ.
බස්නාහිර පළාත ජ්යෙෂ්ඨ නියෝජ්ය පොලිස්පති කාර්යාලයේ ස්ථාපිත විශේෂ මෙහෙයුම් මැදිරිය වෙත බස්නාහිර පළාත තුළ සිදුවන අපරාධ, මත්ද්රව්ය ජාවාරම් ඇතුළු නීති විරෝධී ක්රියා සම්බන්ධයෙන් තොරතුරු මෙම නව වට්ස්ඇප් දුරකථන අංකය වෙත ලබා දිය හැකි බව පොලීසිය සඳහන් කළේය.
තොරතුරු ලබාදෙන පුද්ගලයින්ගේ රහස්යභාවය ආරක්ෂා කිරීමට කටයුතු කරන බවද පොලීසිය පැවසූ අතර ඒ අනුව 0777128128 යන දුරකථන අංකය ඔස්සේ අදාළ තොරතුරු ලබා දිය හැකි බවද පොලීසිය සඳහන් කළේය.
