ලොව පුරා කොටස් වෙළෙඳපොළේ පසුබෑමක්

ලෝක වෙළඳපොළේ තෙල් මිල ශීඝ්‍රයෙන් ඉහළ යාමට ආයෝජකයින් දක්වන ප්‍රතිචාරය සහ යුදමය වශයෙන් පවතින අස්ථාවරභාවය හමුවේ ලන්ඩන් කොටස් වෙළෙඳපොළේ FTSE 100 දර්ශකය ගනුදෙනු ආරම්භ වී මුල් මිනිත්තු කිහිපය තුළදී 1.4% කින් පහත වැටී තිබේ.

මීට පෙර ආසියානු රටවල කොටස් ව‍ෙළෙඳපොළවල් ද දැඩි ලෙස පහත වැටුණු අතර, ජපානයේ Nikkei 225 දර්ශකය 5% කට වඩා වැඩි අගයකින් පහත වැටෙමින් දිනක ගනුදෙනු අවසන් කළේය.

දකුණු කොරියාවේ Kospi දර්ශකය එක් අවස්ථාවකදී 8% කට වඩා වැඩි ප්‍රමාණයකින් කඩා වැටුණු අතර, ඒ හේතුවෙන් මිනිත්තු 20ක කාලයක් සඳහා ගනුදෙනු තාවකාලිකව අත්හිටුවීමට පියවර ගැනුණි. 

කෙසේවෙතත් අවසානයේදී Kospi දර්ශකය 6%ක පහත වැටීමක් සමඟින් දිනක ගනුදෙනු අවසන් කර තිබේ.