ශ්රී ලංකාවට ලකුණු 182ක ඉලක්කයක්
February 16, 2026 08:45 pm
විස්සයි20 ලෝක කුසලාන ක්රිකට් තරගාවලියේ ශ්රී ලංකාව සහ ඔස්ට්රේලියාව අතර අද (16) පැවැත්වෙන තරගයේ දී ප්රථමයෙන් පන්දුවට පහර දුන් ඔස්ට්රේලියාව නියමිත පන්දුවාර 20 අවසානයේ සියල්ලන් දැවී ලකුණු 181 ක් රැස්කිරීමට සමත් විය.
ඒ අනුව ශ්රී ලංකා කණ්ඩායමට තරගය ජය ගැනීමට ලකුණු 182ක් රැස්කර ගතයුතු වේ.
තරගයේ කාසියේ වාසිය හිමිකර ගත් ශ්රී ලංකා කණ්ඩාම පළමුවෙන් පන්දු රැකීමට තීරණය කළේය.
ඒ අනුව ප්රථමයෙන් පන්දුවට පහරදීමට පිටියට පිවිසි ඔස්ට්රේලියා කණ්ඩායමේ නායක මිචෙල් මාෂ් පන්දු 27කදී ලකුණු 54 ලබා ගත් අතර ට්රැවිස් හෙඩ් පන්දු 29 කදී ලකුණු 56ක්ද රැස් කළේය.
දුෂාන් හේමන්ත ලකුණු 37කට කඩුළු 3 ද දුෂ්මන්ත චමීර ලකුණු 36කට කඩුළු 2ක්ද දවා ගැනීමට සමත් විය.
තරගය අතරවාරයේ දී ශ්රී ලංකා වේග පන්දු යවන ක්රීඩක මතීෂ පතිරණ ආබාධයකට ද ලක්විය.
ශ්රී ලංකා කණ්ඩායම මෙම තරගය ජයගනු ලබන්නේ නම් ඔවුන් බී කාණ්ඩය යටතේ සුපිරි අට දෙනාගේ වටය සඳහා සුදුසුකම් ලබා ගනු ඇත.
මේ වනවිට ඔවුන් එම කාණ්ඩයේ ප්රසාද ලකුණු සටහනේ ප්රථම ස්ථානයේ පසුවන අතර ඔස්ට්රේලියානු කණ්ඩායම එහි තෙවන ස්ථානයේ පසුවෙයි.
සුපිරි අට දෙනාගේ වටයට රැඳිසිටීමට නම් ඔස්ට්රේලියානු කණ්ඩායමට මෙම තරගයේ ජයග්රහණය අනිවාර්යය වේ.
තරගය පල්ලේකැලේ ජාත්යන්තර ක්රිකට් ක්රීඩාංගණයේ පැවැත්වෙන අතර ශ්රී ලංකා කණ්ඩායමේ නායකත්වය දසුන් ශානකට හිමිව ඇති අතර ඔස්ට්රේලියානු කණ්ඩායම මෙහෙයවනු ලබන්නේ, මිචල් මාර්ෂ් විසිනි.
