මහා ශිව රාත්රි දිනය වෙනුවෙන් අග්රාමාත්යවරියගෙන් පණිවුඩයක්
February 15, 2026 06:53 am
අවිද්යාව පරදා ප්රඥාවත්, අන්ධකාරය පරදා ආලෝකයත් ජයග්රහණය කිරීම සංකේතවත් කරන මහා ශිවරාත්රිය, ආධ්යාත්මික විනය සහ අභ්යන්තර සාමය උදාකර දෙන උතුම් දිනයක් බව අග්රාමාත්ය ආචාර්ය හරිනි අමරසූරිය මෙනෙවිය පවසයි.
ශ්රිව රාත්රී දිනය වෙනුවෙන් සුබ පැතුම් පණිවිඩයක් නිකුත් කරමින් අග්රාමාත්යවරිය පෙන්වා දෙන්නේ බහුවිධ සංස්කෘතීන්ගෙන් පෝෂණය වූ අපේ සමාජය තුළ, පරාර්ථකාමිත්වය, කරුණාව සහ එකමුතුකම තුළින් ඕනෑම අභියෝගයක් ජයගත හැකි බව මෙම උත්සවය අපට සිහිපත් කර දෙන බවය.
බැතිමතුන් යාඥාවෙන් සහ භාවනාවෙන් ගත කරන මෙම ශිව රාත්රී දිනයේදී වඩා සාමකාමී සහ සමෘද්ධිමත් දේශයක් ගොඩනැගීමට අදිටන් කරගත යුතු බව ද අග්රාමාත්ය ආචාර්ය හරිනි අමරසූරිය මෙනෙවිය වැඩිදුරටත් සඳහන් කර ඇත.
සම්පූර්ණ නිවේදනය පහතින්.
- උපුටා ගැනීම -
මහා ශිවරාත්රී දින පණිවුඩය
මහා ශිවරාත්රී දිනය සමරනු ලබන ශ්රී ලංකාවාසී මෙන් ම ලොව පුරා වෙසෙන සමස්ත හින්දු බැතිමතුන් වෙත මගේ හෘදයාංගම සුභාශිංසන පිරිනමමි.
අවිද්යාව පරදා ප්රඥාවත්, අන්ධකාරය පරදා ආලෝකයත් ජයග්රහණය කිරීම සංකේතවත් කරන මහා ශිවරාත්රිය, ආධ්යාත්මික විනය සහ අභ්යන්තර සාමය උදාකර දෙන උතුම් දිනයකි. බහුවිධ සංස්කෘතීන්ගෙන් පෝෂණය වූ අපේ සමාජය තුළ, පරාර්ථකාමිත්වය, කරුණාව සහ එකමුතුකම තුළින් ඕනෑම අභියෝගයක් ජයගත හැකි බව මෙම උත්සවය අපට සිහිපත් කර දෙයි.
බැතිමතුන් යාඥාවෙන් සහ භාවනාවෙන් ගත කරන මෙම ශිව රාත්රී දිනයේදී, වඩා සාමකාමී සහ සමෘද්ධිමත් දේශයක් ගොඩනැගීමට අදිටන් කරගත යුතු බව මගේ හැඟීමයි.
ශිව දෙවියන්ගේ ආශිර්වාදයෙන් ඔබ සැමට සෞභාග්යය සහ සාමය උදා වේවා!
ආචාර්ය හරිනි අමරසූරිය
අග්රාමාත්ය
ශ්රී ලංකා ප්රජාතාන්ත්රික සමාජවාදී ජනරජය
- උපුටාගැනීම අවසන් -
