නිදහස වෙනුවෙන් යුද්ධ හමුදාවේ 9,158 දෙනෙකුට උසස් වීම්
February 4, 2026 06:39 am
අදට (04) යෙදෙන ශ්රී ලංකාවේ 78 වන නිදහස් දින සැමරුමට සමගාමීව, ශ්රී ලංකා යුද්ධ හමුදාවේ නිත්ය සහ ස්වේච්ඡා බලසේනාවන්හි සෙසු නිලයන් 9,158 දෙනෙකු ඔවුන්ගේ ඊළඟ නිලයන් දක්වා උසස් කිරීමට පියවර ගෙන තිබේ.
ඒ අනුව නිත්ය සහ ස්වේච්ඡා බලසේනාවන්හි සේවයේ නියුතු සෙසු නිළයන් බළලත් නිලධාරී II නිලයේ සිට බළලත් නිලධාරී I නිලය දක්වා 260 දෙනෙකු ද, මාණ්ඩලික සැරයන් නිළයේ සිට බළලත් නිලධාරී II දක්වා 1,211 දෙනෙකු ද, සැරයන් නිලයේ සිට මාණ්ඩලික සැරයන් දක්වා 1,704 දෙනෙකු ද, කෝප්රල් නිලයේ සිට සැරයන් දක්වා 2,339 දෙනෙකු ද, ලාන්ස් කෝප්රල් නිලයේ සිට කෝප්රල් දක්වා 2,204 දෙනෙකු ද සහ සාමාන්ය සෙබළ නිලයේ සිට ලාන්ස් කෝප්රල් දක්වා 1,440 දෙනෙකු උසස්වීම් සිදුකර ඇතැයි ශ්රී ලංකා යුද්ධ හමුදාව නිවේදනය කරයි.
