ඉන්දියාවේ ශ්රී ලංකා මහ කොමසාරිස්වරිය ඉන්දීය ජනපතිනියට අක්තපත්ර භාරදෙයි
July 29, 2025 10:07 pm
ඉන්දියාවේ ශ්රී ලංකා මහ කොමසාරිස් මහේෂිනී කොලොන්නේ මහත්මිය ඉන්දීය ජනාධිපති ද්රෞපදී මුර්මු මහත්මිය වෙත සිය අක්තපත්ර භාර දී තිබේ.
අද (29) නවදිල්ලියේ රාෂ්ට්රපති භවන්හිදී ජනාධිපතිනිය වෙත නිල වශයෙන් ඉන්දියාවේ ශ්රී ලංකා මහ කොමසාරිස්වරිය සිය අක්තපත්ර භාර දුනි.
මෙහිදී 2024 දෙසැම්බර් මාසයේදී ජනාධිපති දිසානායක මහතාගේ ඉන්දීය සංචාරය සහ 2025 අප්රේල් මාසයේදී අගමැති මෝදි මහතාගේ ශ්රී ලංකා සංචාරයන් දෙරට අතර හවුල්කාරිත්වය විශිෂ්ට මට්ටමකට ඔසවා තැබූ බව ශ්රී ලංකා මහ කොමසාරිස්වරිය ප්රකාශ කළාය.
විශේෂයෙන් ඇය අර්බුදකාරී කාලවලදී ලබා දුන් අඛණ්ඩ සහයෝගය සඳහා ඉන්දියාවට ශ්රී ලංකාවේ කෘතඥතාව පළ කළාය.