වනාතවිල්ලුව, එළුවන්කුළම කූරටියාමෝට්ට ප්රදේශයේ වසර සිය ගණනක් පැරණි අක්කර සිය ගණනක වනාන්තර පද්ධතියක් කිසියම් පිරිසක් හෙළිපෙහෙළි කර තිබේ.
අද දෙරණ වාර්තාකරු සඳහන් කර සිටියේ ප්රාදේශීය දේශපාලඥයකුගේ ආධාර අනුබල ඇතිව එම ප්රදේශය මෙලෙස වනසා දමා ඇති බවය.
මාස ගනණනාවක සිට යාන්ත්රික කියත් උපයෝගි කරගනිමින් මෙම දැවැන්ත වන සංහාරය සිදුකර ඇති බව වාර්තා වේ.
පරිසරවේදීන් චෝදනා කරන්නේ වනාන්තර භූමිය කොටස්කර විකිණීමේ අරමුණින් කිසියම් පිරිසක් මෙම ක්රියාවෙහි යෙදෙන බවය.
මෙම වනාන්තරය විල්පත්තුව ජාතික වන උද්යානයට කිලෝ මිටර් කිහිපයක් නුදුරින් පිහිටා තිබේ.
ඒ හේතුවෙන් විල්පත්තුවේ සැරිසරන අලි ඇතුන් හා අනිකුත් වන සතුන් මෙම පරිසර පද්ධතිය තුළ නිරන්තරයෙන් සැරිසරන බැවින් වන විනාශයත් සමග වනසතුන් ගම්මාන වෙත කඩා වැදිම වැළැක්විය නොහැකි තත්ත්වයක් බවට පත්ව ඇතැයි ද පරිසරවේදීන්හු අනතුරු ඇඟවති.
මෙලෙස වනසා දමන වනාන්තරය පසුව පිට පළාත්වල වෙසෙන ධනවතුන්ට එම ඉඩම් රහසේ විකිණීම සඳහා ජාවාරමක් ද ක්රියාත්මක වන බව ද වාර්තා වේ.
එම නිසා අදාළ වගකිව යුතු පාර්ශව මේ පිළිබදව වහාම විදිමත් පරික්ෂණයක් පවත්වන ලෙසට පරිසරවේදීහු ඉල්ලා සිටිති.
